Arestado ang isang Top 5 Most Wanted Person sa Municipal Level sa kasong paglabag sa Republic Act 8042 o “Ilegal Recruitment in relation to RA 10175 Anti Trafficking in Persons Act of 2003” sa isinagawang joint law enforcement operation ng Polanco Municipal Police Station kasama ang Tagum MPS, sa Purok Durian, Barangay Visayan Village, Tagum City, Davao Del Norte nito lamang ika-3 ng Oktubre 2024.
Kinilala ni Police Captain Gwyn T Gumanad, Officer-In-Charge ng Polanco MPS, ang naarestong suspek na si alyas “Jun”, 27 anyos, lalaki, isang OFW at residente ng Purok Durian Barangay Visayan Village, Tagum City, Davao Del Norte.
Ang suspek ay nahaharap sa kasong paglabag sa RA 8042 (Ilegal Recruitment in relation to RA 10175 Anti Trafficking in Persons Act of 2003) na may inirekomendang piyansa na Php320,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na sa isang Bagong Pilipinas.
Panulat ni Patrolwoman Joyce Franco
