Arestado ang isang lalaki at nasabat ang tinatayang Php680,000 halaga ng pinaghihinalaang shabu sa ikinasang anti-illegal drug buy-bust operation sa Barangay Limbo, Sultan Kudarat, Maguindanao del Norte nito lamang ika-2 ng Oktubre 2024.
Kinilala ni Police Lieutenant Colonel Esmael A Madin, Chief of Police ng Sultan Kudarat Municipal Police Station, ang suspek na si alyas “Mus”, 34 anyos, drayber, na residente ng Barangay Kiladap Talitay, Maguindanao del Norte.
Bandang 4:00 nang hapon nang ikasa ang naturang operasyon ng Sultan Kudarat MPS matapos makipagtransaksyon ang isang poseur buyer sa suspek at nakumpiksa mula rito ang dalawang jumbo-size heat-sealed transparent plastic sachet na pinaghihinalaang shabu na may bigat na 100 gramo at tinatayang nagkakahalaga ng Php680,000, dalawang bundle ng photocopied boodle money, isang Php1,000 bill genuine money, dalawang Php100 bill, isang black samsung cellphone, tatlong assorted ID cards, isang brown leather wallet, isang black Honda Wave motorcycle.
Nahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Patuloy naman ang Sultan Kudarat PNP na mas paiigtingin ang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr., na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Patrolwoman Ma. Señora J Agbuya
