Arestado ang isang tinaguriang Rank 9 Regional Most Wanted Person sa isinagawang manhunt operation ng Binangonan PNP sa Barangay Hulo, Pililla, Rizal nito lamang ika-02 ng Oktubre 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang suspek na si alyas “Erson”, 42 taong gulang, security guard, residente ng Pililla, Rizal.
Naaresto ang suspek bandang 3:00 ng hapon sa nasabing barangay ng mga tauhan ng Binangonan Municipal Police Station sa bisa ng Warrant of Arrest para sa kasong 3 Counts of Qualified Rape na walang piyansa at Lascivious Conduct.
Ang Rizal PNP ay magpapatuloy sa pagtugis sa mga nagkasala sa batas upang mabigyan ng kapanatagan ang mamamayan sa lalawigan ng Rizal na ang kanilang lalawigan ay isang payapa at ligtas.
Source: Rizal Police Provincial Office
Panulat ni Patrolwoman Angelica Rica S Teng
