Arestado sa pinaigting na manhunt operation ng Pasig City Police Station ang isang 40 anyos na lalaki na tinaguriang Top 8 Most Wanted Person ng Eastern Police District nito lamang Lunes, Setyembre 30, 2024.
Kinilala ni Police Colonel Hendrix B Mangaldan, Acting Chief of Police ng Pasig CPS, ang suspek na si alyas “Gerard”, car washer at residente ng Barangay Palatiw, Pasig City.
Ayon kay PCol Mangaldan, nangyari bandang 12:00 ng tanghali, sa kahabaan ng M.H. Del Pilar Street, Cansicio Compound, Barangay Palatiw, Pasig City, ang pagsisilbi ng Warrant of Arrest sa suspek dahil sa paglabag nito sa Section 11, Article II ng Republic Act 9165 o kilala bilang “Comprehensive Dangerous Drugs Act of 2002.
Ipinapahayag ni PCol Mangaldan, ang kanyang mataas na pasasalamat sa mga pambihirang nagawa ng mga tauhan ng Pasig Elite sa tulong ng Local Government Unit, Force Multipliers at Intelligence Network sa kampanya ng PNP laban sa mga wanted person at pagtataguyod ng panuntunan ng batas nang walang takot o pabor.
Source: Pasig City Police Station
Panulat ni PSSg Remelin M Gargantos
