Tuloy-tuloy ang pangangalaga ng kapaligaran ng mga tauhan ng Santa Ignacia Municipal Police Station sa pamamagitan ng isinagawang Clean-up Drive sa Barangay Poblacion West, Santa Ignacia, Tarlac nito lamang Lunes ika-30 ng Setyembre 2024.
Ang naturang aktibidad ay pinangunahan ni Police Major Randy D Gomez, Acting Chief of Police, Santa Ignacia Municipal Police Station katuwang ang mga residente ng nasabing lugar.
Ito ay naglalayong itaguyod at magbigay kamalayan sa komunidad hinggil sa pagpapalakas ng mga kampanya sa paglilinis upang mapanatili ang kagandahan ng ating inang kalikasan.
Patuloy ang PNP na magbigay serbisyo publiko sa pamamagitan ng pagtugon sa mga pangangailangan ng lipunan, kabilang ang pangangalaga ng kalinisan sa ating kapaligiran.
Panulat ni Patrolwoman Digna Jane Tenorio Malubay
