Timbog ang 46 anyos na lalaki matapos makumpiskahan ng ilegal na droga at baril sa ikinasang buy-bust operation ng mga awtoridad sa Purok 6, Barangay Capacuan, Paracale, Camarines Norte nito lamang Setyembre 29, 2024.
Kinilala ang naarestong suspek na si alyas “Abet”, 46 taong gulang, isang construction worker, at residente ng nasabing lugar
Nakumpiska mula sa suspek ang pitong pakete ng pinaghihinalang shabu at isang calibre .38 na revolver na walang serial number at walang trademark, labindalawang (12) piraso ng bala, at isang (1) basyo ng bala.
Kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act” ang kakaharapin ng suspek.
Patuloy ang PRO 5 sa pagsasagawa ng Anti-Illegal Drugs Operations upang tuluyan nang masugpo ang suliranin sa ilegal na droga tungo sa mas ligtas at mas maayos na pamayanan.
Source: Paracale Mps Cnppo
Panulat ni Pat Rodel Grecia
