Nagsagawa ng 3K Color Fun Run for a Cause ang PNP Officers’ Ladies Club Foundation, Inc. MIMAROPA Chapter, sa pamumuno ng adviser nitong si Gng. Marlita E. Quesada na may temang “Takbo Alay sa Tropa” na ginanap sa Calapan City Pavilion, Barangay Ang Ibaba East, Calapan City, Oriental Mindoro, nito lamang ika-28 ng Setyembre 2024.
Ang kaganapan ay nilahukan ng mga tauhan mula sa PRO MIMAROPA, sa pangunguna ni PBGen Roger L Quesada, Regional Director, kasama ang iba pang Regional Support Units, stakeholders, at mga sibilyang kalahok.
Ang naturang aktibidad ay inorganisa upang makalikom ng pondo para suportahan ang PNP uniformed at non-uniformed personnel at kanilang mga pamilya na nakikipaglaban sa cancer at iba pang kritikal na sakit.
Ang Color Fun Run for a Cause na ito ay daan sa sama-samang pagdiriwang sa dedikasyon at pagkakaisa para makapagbigay ng suporta at pag-asa ng mga pulis at kanilang pamilya.
Source: Police Regional Office MIMAROPA
Panulat ni Patrolwoman Ana Rose D Guadaña
