Naka-alerto ang mga miyembro ng Police Regional Office 2 sa ilalim ng pamumuno ni Police Brigadier General Antonio P Marallag Jr., Acting Regional Director dahil sa patuloy na pagragasa ng bagyong Julian sa Lambak ng Cagayan ngayong ika-30 ng Setyembre 2024.
Patuloy na nagsasagawa ng water level monitoring ang kapulisan sa mga mabababang lugar at nakahanda na rin ang mga kagamitan para sa Search, Rescue, at Retrieval operations.
Bukod dito, umiikot din sila para sa Oplan Tambuli upang paalalahanan at abisuhan ang mga residente na manatili sa kanilang mga tahanan, maging alerto, at maghanda para sa posibleng paglikas.
Tinitiyak ng Pambansang Pulisya ang kaligtasan ng mamamayan sa panahon ng kalamidad. Hinihikayat din nila ang pakikiisa at pakikipagtulungan ng komunidad upang maging mas ligtas at handa sa anumang sitwasyon.
Source: Police Regional Office 2
