Matagumpay na isinagawa ang 5-Days Seminar on Disaster Preparedness on Search, Rescue and Retrieval Operation ng mga tauhan ng Police Regional Office Bangsamoro Autonomous Region sa Camp BGen Salipada K Pendatun, Parang, Maguindanao del Norte nito lamang ika-23-27, 2024.
Pinangunahan ni Police Brigadier General Prexy D Tanggawohn, Regional Director ng PRO BAR, ang naturang aktibidad katuwang ang Bureau and Fire Protection Regional Office.
Aktibong nakilahok ang mga personahe ng PRO BAR, na ipinakita ang kanilang dedikasyon sa patuloy na pagpapabuti ng kanilang kakayahan alinsunod sa mandato ng PNP.
Nakapaloob sa programa ang mga teorya at praktikal na pagsasanay, kabilang ang disaster risk reduction, estratehiya sa pagtugon sa panahon ng sakuna, at simulation exercises na magbibigay-daan sa mas epektibong aksyon sa panahon ng kalamidad.
Nilalayon ng aktibidad na ito na sanayin ang mga tauhan ng PRO BAR sa wastong pagtugon sa mga kalamidad at sakuna, partikular sa paghahanap, pagliligtas, at pagkuha ng mga nasawi o sugatan.
Ang aktibidad na ito ay nagpapakita ng mahalagang ugnayan sa pagitan ng Pambansang Pulisya ng Pilipinas katuwang ang iba pang ahensya ng pamahalaan upang tiyakin ang isang buo at koordinadong tugon sa oras ng sakuna sa rehiyon ng Bangsamoro.
Sa pamamagitan ng nasabing pagsasanay, inaasahang mas magiging handa ang mga opisyal ng PRO BAR sa pagtugon sa mga pangangailangan ng komunidad, lalo na sa panahon ng natural na kalamidad.
Panulat ni Patrolwoman Ma. Señora J Agbuya
