Hindi na nakatakas pa ang isang mekaniko matapos itong arestuhin ng mga awtoridad kaugnay sa kasong Frustrated Murder sa Barangay Lucao, Dagupan City, Pangasinan, nito lamang Biyernes, Setyembre 27, 2024.
Kinilala ni Police Lieutenant Colonel Brendon B Palisoc, Hepe ng Dagupan City PNP, ang suspek sa pangalang “Mar,” isang 60 anyos na mekaniko mula sa Barangay Sta. Rosa, Binmaley, Pangasinan.
Ayon kay Police Lieutenant Colonel Palisoc, naaresto ang suspek sa bisa ng Warrant of Arrest sa kasong Frustrated Murder, at inirekomenda ng korte ang piyansang Php200,000 para sa kanyang pansamantalang kalayaan.
Ang Dagupan PNP ay patuloy sa isinagawang operasyon laban sa mga taong may pananagutan sa batas upang mabigyan ng hustisya ang mga biktima.
Source: Dagupan City Police Station
