Arestado ng mga awtoridad ang tinaguriang Top 4 Municipal Most Wanted Person na may kasong Parricide sa Barangay San Antonio, Dagami, Leyte nito lamang Setyembre 27, 2024.
Kinilala ni Police Captain Melvin T Malate, Officer-In-Charge ng Dagami Municipal Police Station, ang suspek na si alyas “Francis”, 63 anyos, magsasaka at residente ng Barangay Buntay, Dagami, Leyte.
Naaresto ang suspek bandang 3:25 ng hapon ng mga tauhan ng Dagami MPS sa bisa ng Warrant of Arrest para sa kasong Parricide na walang piyansa.
Ang Dagami PNP ay patuloy sa pagpapatupad sa kanilang sinumpaang tungkulin kontra kriminalidad upang makamit ang maayos, ligtas, at maunlad na Bagong Pilipinas.
Panulat ni Patrolwoman Ma. Elena B Singian
