Arestado ng Taguig City Police Station ang dalawang indibidwal sa ikinasang buy-bust operation at nakumpiska ang tinatayang Php145,520 halaga ng shabu nito lamang Sabado, Setyembre 28, 2024.
Kinilala ni Police Brigadier General Leon Victor Z Rosete, District Director ng Southern Police District, ang mga suspek na sina alyas “Miyong”, 26 anyos at alyas “Arvin”, 34 anyos.
Naganap ang nasabing operasyon bandang 1:30 ng madaling araw sa Barangay Central Signal, Taguig City at nakumpiska ang anim na heat-sealed transparent plastic sachets na naglalaman ng hinihinalang shabu na tumitimbang ng 21.4 gramo ang bigat at tinatayang may street value na Php145,520, buy-bust money na binubuo ng dalawang Php100 bill, limang pekeng Php1,000 bill, at isang black coin purse.
Inaresto ng Taguig City Police Station Drug Enforcement Unit ang dalawang indibidwal dahil sa paglabag sa Section 5 at 11, Article II ng Republic Act 9165 o “Comprehensive Dangerous Drugs Act of 2002”.
Tinitiyak ng SPD na susupilin ang lahat ng ilegal na aktibidad sa nasasakupang lugar upang matigil ang talamak na bentahan ng droga at upang makamtan ang isang maunlad na komunidad.
Source: SPD PIO
Panulat ni PSSg Remelin M Gargantos
