Nasabat ang tinatayang Php1,360,000 halaga ng shabu sa isang High Value Individual sa isinagawang operasyon ng mga awtoridad sa Cawit, Zamboanga City nito lamang ika-27 ng Setyembre 2024.
Kinilala ni Police Brigadier General Bowenn Joey M Masauding, Regional Director ng Police Regional Office 9, ang suspek na si alyas “Bro”, 28 anyos, HVI at miyembro ng Daris Drug Group, na residente ng Barangay Cawit Zamboanga City.
Ikinasa ang buy-bust operation ng City Drug Enforcement Unit Zamboanga City Police Office katuwang ang CIU, ZCPS9, 3012 AISS, PAF ODI at 530TH AIBDC PAF na nagresulta sa pagkakaaresto sa suspek at pagkakakumpiska ng isang heat-sealed transparent plastic sachet (buy-bust item), apat na large heat-sealed transparent plastic sachet na pinaghihinalaang shabu na may timbang na 200 gramo at tinatayang nagkakahalaga ng Php1,360,000, at iba pang non drug evidence.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Patuloy ang Zamboanga City PNP sa pagpapaigting ng kampanya kontra ilegal na droga upang masiguro ang kaligtasan ng bawat mamamayan.
Panulat ni Patrolwoman Joyce Franco
