Nagsagawa ng lecture at symposium ang mga tauhan ng Pilar Municipal Police Station sa mga presidente ng senior citizen sa bawat barangay na ginanap sa Barangay Bagumbayan, Pilar, Bataan nito lamang ika-26 ng Setyembre 2024.
Ang naturang aktibidad ay pinangunahan ni Police Executive Master Sergeant Gilda R Candido, Chief, Women and Children Protection Desk/Human Rights Affairs Office PNCO, sa ilalim ng pamamahala ni Police Major Larry C Valencia, Chief of Police.
Nagbahagi ng kaalaman ang Pilar PNP patungkol sa “Barangay Empowerment on Child Abuse Resistance and Elimination Fight Unwanted Lewd Design (B.E.C.A.R.E.F.U.L), na tumatalakay sa Republic Act 9262 (Anti-Violence Against Women and Their Children Act), batas laban sa pambu-bully at Anti-hazing, kampanya kontra sa ilegal na droga (BIDA: Buhay Ingatan, Droga’y Ayawan), anti-terorismo, RA 9262, at Safe Spaces Act.
Tinalakay at ipinaalala ang mga alituntunin, pamamaraan, at direktiba kaugnay ng Human Rights Law o Batas sa Karapatang Pantao, upang masiguro ang kaalaman at tamang pagpapatupad sa mga barangay.
Layunin ng nasabing aktibidad na itaguyod ang kamalayan at pagkakaisa upang maiwasan at sa abot ng makakaya, tuluyang matigil ang mga kriminal na gawain. Panulat ni Patrolwoman Maurene A Kiaki
