Kasado na ang Singing Cops of the Philippines 2024 at handa na rin na magpakita ng natatanging talento ang 10 pulis na mang-aawit mula sa iba’t ibang Police Regional Offices na idadaos sa Music Museum, San Juan City nito lamang Biyernes ng 4:00 ng hapon ng Setyembre 27, 2024.
Ang Singing Cops of the Philippines 2024 ay inisyatibo ng Officers’ Ladies Club Foundation Incorporated (OLCFI) katuwang ang Pambansang Pulisya sa pangunguna ng Directorate for Police Community Relations at Police Community Affairs and Development Group na naglalayong ipakita sa buong mundo ang natatanging talento at kakayahan ng ating mga pulis sa larangan ng pagkanta.
Bukod pa rito, layunin din nitong makapaghatid ng tulong-pinansyal mula sa pondong maiipon, partikular na sa mga cancer-stricken PNP personnel na siyang pangunahing benepisyaryo ng naturang programa.
Narito naman ang bumubuo ng Top 10 Finalist: Patrolman Joeselle Sacmar ng NCRPO; Patrolman Paele John Curaming ng PRO 5; Patrolwoman Kershean Uy ng PRO 10; Police Staff Sergeant Jo-Nah Belle Arcenal PRO 6; Patrolman Nelito James R Muñoz ng PRO 9; Police Staff Sergeant Irish Joy A Laureto ng PRO 13; Patrolwoman Stephanie Gadingan ng PRO 7; Patrolman Regner C Trobillas ng PRO 11; Police Corporal Michael Maquilan ng PRO 8; at Police Corporal Lyka Princess U Dela Cruz ng PRO 4A.
Antabayanan at tunghayan natin ang kanilang galing sa pagkanta sa Music Museum, sa San Juan City at sabay-sabay tayong mamangha at kilalanin ang magiging kampeon sa patimpalak na ito.
