Boluntaryong nagbalik-loob sa pamahalaan ang isang miyembro ng Communist Terrorist Group (CTG) sa mga otoridad sa Purok Meliton, Barangay Poblacion, San Miguel, Zamboanga del Sur nito lamang ika – 24 ng Setyembre 2024.
Kinilala ni Police Major Marlon C Mangan-nay, Officer-In-Charge ng 2nd Zamboanga del Sur Provincial Mobile Force Company, ang sumuko na si alyas “Koy”, residente ng Purok 6 Barangay Concepcion, San Miguel, Zamboanga Del Sur.
Si alyas “Koy” ay dating miyembro ng Hingpit Nga Organisadong Masa/Barrio Revolutionary Committee HOMBRC sa ilalim ng Guerilla Yunit sa Distrito GYD at Salbukan G’taw Subanen (SGS) at nagbalik-loob sa pamahalaan sa pagnanais na mamuhay nang maayos at tahimik kasama ang kanyang pamilya.
Ang matagumpay na pagbabalik-loob nito ay dahil sa pagsisikap ng mga operatiba ng 2nd Zamboanga del Sur Provincial Mobile Force Company, 902nd Maneuver Company ng Regional Mobile Force Battalion 9, San Miguel Municipal Police Station, San Pablo Municipal Police Station at Tabina Municipal Police Station.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTG na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Patrolwoman Joyce Franco
