Nakilahok ang Police Regional Office 3 sa 3rd Quarter National Simultaneous Earthquake Drill (NSED) 2024 sa ilalim ng pamumuno ni Police Brigadier General Jose S Hidalgo Jr., sa Parade Ground ng Camp Captain Julian Olivas, City of San Fernando, Pampanga nito lamang Huwebes, ika-26 ng Setyembre 2024.
Dumalo sa aktibidad ang Regional Headquarters, Regional Support Units, Regional Mobile Force Battalion, mga estudyante mula sa Camp Olivas Elementary School (COES), kasama ang Bureau of Fire Protection (BFP), na aktibong nakilahok sa nasabing drill.
Pinahusay ng drill ang kaalaman sa mga hakbang sa pagtugon sa lindol, tulad ng pagkilala sa alarma, pagsasagawa ng “duck, cover, and hold” technique, at pag-activate ng mga medical team.
Ayon kay Police Colonel Marites Salvadora, Chief ng Regional Community Affairs and Development Division 3, mahalaga ang mga ganitong pagsasanay sa paghahanda para sa mga sakuna, lalo na ang kapulisan para sa gabay at proteksyon, katapangan, at dedikasyon sa pagliligtas ng buhay.
Ang pagsasanay na ito ay nagsilbing mahalagang paalala sa lahat tungkol sa kahalagahan ng pagiging handa sa anumang sakuna, na maaaring magdulot ng ligtas at maayos na pagtugon sa hinaharap. Ang pagkakaroon ng maayos na plano at pagsasanay ay susi sa pagligtas ng buhay at pagpigil sa malawakang pinsala sa mga komunidad.
Panulat ni Patrolwoman Lixen Reyz A Saweran
