Arestado ang isang lalaki matapos mahulihan ng ilegal na baril at bala sa isinagawang intensified checkpoint operation ng Cotabato City Police Station 3 sa Barangay Tamontaka, Cotabato City noong ika-25 ng Setyembre 2024.
Kinilala ni Police Captain Rustan Deaño, Station Commander ng Cotabato City Police Station 3, ang suspek na si alyas “Baby Lags”, 19 anyos, na residente ng Sausa Street, Barangay RH13 nitong lungsod.
Ayon kay PCpt Deaño, bandang 11:00 ng gabi nang harangin ng mga otoridad ang suspek matapos maaktuhang may dala-dalang hindi dokumentadong baril.
Nakuha mula sa operasyon ang isang caliber 9mm pistol na may serial no. K16928, magazine, 13 piraso ng 9mm ammunition, isang Mission Order No. DI06 na nakapangalan sa suspek at isang Yamaha NMAX155 motorcycle.
Ang naarestong suspek ay nahaharap sa kasong paglabag sa Republic Act 10591 o “Comprehensive Firearms and Ammunition Regulation Act”.
Binigyang diin naman ni City Director ng Cotabato City Police Office na si Police Colonel Joel Estaris, na ang pagkakahuli sa nasabing indibidwal ay may kaugnayan sa Simultaneous Anti-Criminality Law Enforcement Operation o SACLEO dahil sa paglobo ng krimeng naitatala kasabay ng pagbati nito sa kanyang mga tauhan sa patuloy na pagpapaigting ng peace and order sa lungsod.
Panulat ni Patrolwoman Veronica Laggui
