Hawak na ng mga awtoridad ang suspek sa sunod-sunod na pagnanakaw sa Cebu City matapos mahulihan ng baril at Php68,000 halaga ng hinihinalang shabu sa isinagawang pagresponde ng Cebu City PNP sa Sitio San Pedro, Barangay Tisa, Cebu City, noong ika-22 ng Setyembre 2024.
Kinilala ni Police Major Eraño Sanchez Regidor, Station Commander ng Police Station 10, Cebu City Police Office, ang suspek na si “Jessie”, 26 anyos at residente ng Sitio Lawis, Riverside, Barangay Pasil, Cebu City.
Bandang 5:00 ng hapon ng rumesponde ang mga awtoridad na nagresulta sa pagkaaresto ng suspek at pagkasabat ng dalawang plastic sachet ng hinihinalang shabu na may timbang na 10 gramo at may Standard Drug Price na Php68,000, isang unit ng .45 caliber, isang magazine at dalawang .45 live ammunition.
Ang nasabing indibidwal ay nakumpirmang suspek sa ini-report na robbery incident sa F. Pacaña St., Barangay Tisa, Cebu City, bandang 3:36 ng madaling araw ng ika-22 ng Setyembre at sa mga sunod-sunod na mga insidente sa Cebu City nitong nakaraan.
Patunay lamang na ang Cebu City PNP ay patuloy sa pagpapatupad ng kanilang sinumpaang tungkulin kontra sa lahat ng uri ng kriminalidad upang magkaroon ng maunlad na bansa para sa sambayanang Pilipino tungo sa isang Bagong Pilipinas.
Source: CCPO SR
