Arestado ang isang lalaki na wanted sa kasong Frustrated Murder sa isinagawang operasyon ng mga tauhan ng Tayug Municipal Police Station sa Barangay Magallanes, Tayug, Pangasinan noong Setyembre 20, 2024.
Kinilala ni Police Major Peter L Naboye Jr. ang suspek na si alyas Jun, 57 anyos, magsasaka at residente ng Barangay Magallanes, Tayug, Pangasinan.
Isinilbi ang Warrant of Arrest laban sa suspek, na nilagdaan ni Hon. Emma S. Ines-Parajas, Presiding Judge ng RTC, First Judicial Region, Branch 52, Tayug, Pangasinan.
Patuloy ang Tayug PNP sa pagtugis ng mga wanted persons at isang patunay ng dedikasyon ng Pambansang Pulisya sa layuning tiyakin ang kapayapaan at kaayusan para sa mas maunlad at mapayapang Bagong Pilipinas.
Panulat ni PSSg Robert Basan Abella Jr
