Arestado ang isang lalaki sa kasong paglabag sa Republic Act 9165 sa operasyon ng Iligan City PNP sa Zone 17 Fatima Abuno, Iligan City nito lamang ika-19 ng Setyembre 2024.
Kinilala ni Police Major Niel Mark C Quipanes, Station Commander ng Iligan City Police Station 4, ang naarestong suspek na si alyas “Baldo”, 25 anyos, lalake, single, walang trabaho at residente ng Purok Greenvalley Ubaldo, Laya, Iligan City.
Bandang 12:30 ng tanghali nang madakip ang suspek sa isinagawang Manhunt Charlie Operation ng Iligan City Police Station 4 sa bisa ng Warrant of Arrest sa kasong paglabag sa Sections 11 at 12 ng RA 9165 na may piyansa na Php200,000.
Patunay lamang ang PNP sa kanilang tapat na tungkulin na panatilihin ang kaayusan, kaligtasan, at seguridad para sa ikauunlad ng bansa.
