Nagsagawa ang mga tauhan ng Baler Municipal Police Station ng Awareness Lecture sa mga estudyante ng Grade 3 Dahlia ng Carmen T Valenzuela Integrated School, Sitio Castillo, Barangay Sabang, Baler, Aurora, nito lamang Huwebes, ika-19 ng Setyembre 2024.
Ang naturang aktibidad ay kaugnay sa PROJECT R.E.A.D.Y (Resistance Education Against Drugs for the Youth) na naglalayong mabigyan ng sapat na kaalaman, tamang pag-uugali, at disiplina ang mga batang estudyante upang labanan ang impluwensya ng ilegal na droga at sumunod sa batas.
Pinangunahan ito ni PSSg Jenielyne Share L. Lumasac, MCAD PNCO, at sa ilalim ng superbisyon ni Police Major Eduardo S Mendoza Jr., Chief of Police ng Baler Municipal Police Station.
Ang Project R.E.A.D.Y ay naglalayon ng mas ligtas at disiplinadong lipunan sa pamamagitan ng pagtutok sa mga kritikal na isyu tulad ng ilegal na droga at pagpapatupad ng batas.
Patunay lamang na ang Pambansang Pulisya ay patuloy sa paghahatid ng serbisyo at pagbigay ng kaalaman kontra kriminalidad upang magkaroon ng maayos at maunlad na bansa para sa sambayanang Pilipino tungo sa isang bagong Pilipinas.
Source: Baler Municipal Police Station
Panulat ni Pat Marimar Junio
