Nasabat ang Php506,532 halaga ng hinihinalang shabu mula sa isang Top 1 City High Value Individual nito lamang Setyembre 20, 2024 sa Purok 6, Barangay 23-C, Davao City.
Kinilala ni Police Major Richeen M Lagnayo, Acting Station Commander ng Sta. Ana Police Station, ang suspek na si alyas “Dondon”, 39 anyos, isang construction worker at residente ng nasabing lugar.
Ang suspek ay naaresto sa bisa ng Warrant of Arrest at narekober naman mula sa suspek ang humigit kumulang 74.49 gramo ng hinihinalang shabu at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
