Nasabat ng pulisya ang tinatayang Php1,000,000 halaga ng marijuana at shabu sa naarestong High Value Individual (HVI) sa isinagawang buy-bust operation ng Alabel Municipal Police Station sa Purok Progressive Barangay Maribulan Alabel, Sarangani Province nito lamang Setyembre 20, 2024.
Kinilala ni Police Lieutenant Colonel Reynaldo Santos Delantein, Hepe ng Alabel Municipal Police Station, ang suspek na si alyas “Can”, 42 anyos, driver operator, may asawa, at residente ng Purok Progressive Barangay Maribulan, Alabel, Sarangani.
Bandang 3:15 ng hapon nang maaresto ang suspek ng mga operatiba ng Alabel MPS MDEU kasama ang mga tauhan ng PDEU, SPPO, PDEA XII Regional Enforcement Team (RSET), SPPO PIU, 1st PMFC-Sarangani, RSOG, 1201st MC-RMFB-12.
Narekober mula sa suspek ang isang pirasong heat-sealed transparent plastic sachet na naglalaman ng hinihinalang shabu na tumitimbang ng isang gramo na may tinatayang halaga na Php6,800, limang piraso ng hinihinalang dried marijuana bricks na tumitimbang ng 5 kilos na may Standard Drug Price na Php1,000,000, at isang pirasong Php500 bill na inilagay sa ibabaw ng walong pirasong 500 boodle money na Php4,500 na ginamit bilang buy-bust money.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Inatasan naman ni Pangulong Ferdinand Marcos Jr., ang PNP na mas palakasin ang kampanya laban sa ilegal na droga para mapanatili ang seguridad at kapayapaan sa bansa.
Panulat ni Pat Rhesalie Umalay
