Timbog ang isang lalake matapos makuhanan ng mga ilegal na armas at pampasabog sa ikinasang search warrant sa bahay nito sa Purok Waya, Mother Barangay Tamontaka, Cotabato City nito lamang ika-19 ng Setyembre 2024.
Kinilala ni Police Lieutenant Colonel Christopher Cabugwang, Hepe ng Cotabato City Police Office City Investigation Unit, ang suspek na si alyas “Rap-Rap”, 39 anyos, residente ng naturang lugar.
Naging matagumpay ang pagkakaaresto sa suspek sa ikinasang operasyon ng mga operatiba ng Cotabato City Police Office katuwang ang Cotabato City Mobile Force Company na may koordinasyon sa bisa ng Warrant of Arrest sa kasong paglabag sa Republic Act 9165 o “Comprehensive Dangerous Drugs Act of 2002”.
Nakuha mula sa naturang operasyon ang isang piraso ng 9mm magazine assembly, isang yunit ng cal.38 revolver, limang piraso ng cal.38 live ammunition, pitong piraso ng 7.62 mm live ammunition, isang piraso ng 40 mm grenade launcher, at isang color black aqua flash eco bag.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002” at kasong paglabag sa Republic Act 10591 o “Comprehensive Firearms and Ammunition Regulation Act”.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin na mas lalong pagpapaigting ng kampanya kontra loose firearms na naaayon sa mga programa ni Pangulong Ferdinand R. Marcos Jr., na magkaroon ng maunlad na bansa para sa sambayanang Pilipino tungo sa isang bagong Pilipinas.
Panulat ni Patrolwoman Leonora C Gawang
