Arestado ang tinaguriang Top 6 Most Wanted Person ng Southern Police District sa Barangay Sampaloc 2, Sitio Malinta, Dasmariñas, Cavite nito lamang Biyernes, Setyembre 20, 2024.
Kinilala ni Police Brigadier General Leon Victor Z Rosete, District Director ng SPD, ang suspek na si alyas na “Junbert”, 26 anyos, isang construction worker.
Nadakip si alyas “Junbert” dakong 4:50 ng madaling araw ng mga operatiba ng Warrant and Subpoena Section ng Parañaque City Police Station.
Isinilbi sa suspek ang Warrant of Arrest para sa sentensiya sa serbisyo na may kaugnayan sa kasong panggagahasa (RPC Art. 266 Paragraph 2).
Ang SPD ay patuloy ang pagsasagawa ng manhunt operations upang mapanagot sa batas ang lahat ng nagkasala at maibigay ang nararapat na hustisya para sa kanilang mga naging biktima.
Source: SPD PIO
Panulat ni PSSg Remelin M Gargantos
