Nasabat ng mga operatiba ng Panabo City Police Station ang tinatayang Php374,306 halaga ng hinihinalang shabu mula sa isang Street Level Drug Personality at isa pang indibidwal sa Purok DCH 4, Barangay J.P. Laurel, Panabo City nito lamang Setyembre 19, 2024.
Kinilala ni Police Lieutenant Colonel Jess Anthony B Maghirang, Acting Chief of Police ng Panabo City Police Station, ang mga suspek na sina alyas “Nan”, 34 anyos, isang construction worker at residente ng Guimarang, Lanao dela Norte na tinaguriang Street Level Drug Personality at alyas “Lanie”, 34 anyos na residente naman ng Lilod, Marawi City.
Ang mga suspek ay naaresto sa isinagawang buy-bust operation ng nasabing istasyon kung saan ay narekober mula sa mga ito ang humigit kumulang 55.045 gramo ng hinihinalang shabu na may tinatayang halaga na Php374,000.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang mga suspek.
Samantala, ang Police Regional Office 11 sa pangangasiwa ni Regional Director Police Brigadier General Nicolas D Torre III ay patuloy na nagsusumikap upang mapanatili ang kaayusan at kapayapaan para sa mas ligtas at maunlad na lipunan.
Panulat ni Pat Shairra Rose A Aquino
