Mabilis na nagtalaga ang Puerto Princesa City Police Office (PPCPO) ng kanilang mga tauhan upang matiyak ang kaligtasan at seguridad ng publiko habang nagtaas ng Orange Rainfall Warning ang Philippine Atmospheric, Geophysical and Astronomical Services Administration (PAGASA) kaugnay sa nararanasang malakas na pagbuhos ng ulan sa lungsod.
Ang babalang ito ay dahil sa pinalakas na habagat na pinalala ng Tropical Depression “Gener” na naranasan sa Puerto Princesa City nito lamang ika-16 ng Setyembre 2024.
Ang naturang aksyon na ito ay pinangunahan ni Police Colonel Ronie S Bacuel, City Director katuwang ang mga kapulisan sa naturang himpilan. Patuloy rin ang koordinasyon sa mga Local Government Units (LGUs), City Disaster Risk Reduction and Management Office (CDRRMO), at mga opisyal ng barangay upang matiyak ang napapanahong pagtugon sa mga emerhensiya.
Inuuna ng PPCPO ang mga apektadong barangay ng Puerto Princesa City, partikular na ang mga low-lying at flood-prone areas. Ang mga tauhan ay ipinadala upang tumulong sa pagtugon sa sakuna, secure na mga evacuation site, pamahalaan ang trapiko, at magsagawa ng mga rescue operation kung kinakailangan.
Ang kapulisan ay patuloy na nagbabantay at nakatuon sa pangangalaga sa komunidad, ngunit kailangan din ang pakikipagtulungan ng publiko para sa kaligtasan ng lahat. Dito ay masisigurado na sa bagong Pilipinas ang bawat isa ay ligtas.
Source: Puerto Princesa City Police Office
Panulat ni Patrolwoman Ana Rose D Guadaña
