Arestado ng mga awtoridad ang isang estudyante na itinuturing na Top 7 Most Wanted Person sa Provincial Level sa kasong Statutory Rape nito lamang Setyembre 16, 2024 sa Aranda Subdivision, Zone 2-B, Barangay Libertad, Surallah, South Cotabato.
Kinilala ni Police Lieutenant Colonel Conrado N Jovero Jr., Hepe ng Surallah Municipal Police Station, ang suspek na si alyas ” Ray”, 19 anyos, binata, estudyante at residente ng Aranda Subdivision, Zone 2-B, Barangay Libertad, Surallah, South Cotabato.
Bandang 8:30 ng umaga nang ikinasa ang operasyon na nagresulta sa pagkakahuli sa suspek sa bisa ng Warrant of Arrest sa kasong Statutory Rape na walang rekomendadong piyansa.
Patuloy ang PNP sa misyon na protektahan ang mga mamamayan lalong-lalo na ang mga kabataan at kababaihan mula sa anumang uri ng krimen alinsunod sa prayoridad ng Pangulong Ferdinand “Bongbong” Marcos Jr. ang magkaroon ng ligtas at payapang bansa.
