Naaresto ng pulisya ang tinaguriang Top 1 City Most Wanted Person na may kasong Acts of Lasciviousness sa Barangay Tanqui, Lungsod ng San Fernando nito lamang ika-16 ng Setyembre 2024.
Kinilala ni Police Lieutenant Colonel Fernando G. Acain Jr., hepe ng San Fernando City Police Station, ang suspek na si alyas “Arthur”, 59 taong gulang, walang asawa, walang trabaho, at residente ng Purok 4, Barangay San Agustin, La Union.
Ayon kay PLtCol Acain Jr. naaresto ang suspek ng mga tauhan ng San Fernando Police Station sa bisa ng Warrant of Arrest para sa kasong Acts of Lasciviousness sa ilalim ng Section 5(b) ng Republic Act 7610 na may Php200,000 na piyansa.
Ang matagumpay na operasyon na ito ay patunay ng patuloy na pagsisikap ng kapulisan na panatilihin ang seguridad at kaayusan sa lungsod.
Source: San Fernando CPS
