Walang takas ang Top 1 Most Wanted Person sa Municipal Level sa kasong Statutory Rape matapos itong maaresto ng Basista PNP sa Barangay Anambongan, Basista, Pangasinan nito lamang ika-16 ng Setyembre 2024.
Kinilala ni Police Major Brylle Dave P Dong-Oc, Officer-In-Charge ng Basista PNP, ang suspek na si alyas “JM”, 22 taong gulang, at residente ng Barangay Anambongan, Basista, Pangasinan.
Ayon kay Police Major Dong-Oc, naaresto ang suspek bandang 8:11 ng gabi sa bisa ng Warrant of Arrest sa kasong Statutory Rape na walang kaukulang piyansa.
Samantala, nangangako naman ang Basista PNP na patuloy nilang gagampanan ang kanilang tungkulin at sinisigurado nila na walang makakalusot sa batas upang mapanatiling ligtas at malayo sa kapahamakan ang mamamayan sa kanilang nasasakupan.
Source: Basista Municipal Police Station
Panulat ni Patrolman Viljon Comilang
