Walang takas sa mga awtoridad ang isang lalaking Wanted sa kasong Attempted Homicide matapos mahuli sa Barangay Locsoon, Borongan City, Eastern Samar nito lamang ika-13 ng Setyembre 2024.
Kinilala ni Police Lieutenant Colonel Clark B Chavarria, Acting Chief of Police ng Borongan City Police Station ang suspek na si alyas “Melvin”, 43 anyos, mangingisda at residente ng Barangay Locsoon, Borongan City, Eastern Samar.
Bandang 10:30 ng umaga nang maaresto ang suspek ng mga tauhan ng Borongan City Police Station kasama ang Eastern Samar Police Provincial Office-Provincial Intelligence Unit sa bisa ng Warrant of Arrest para sa kasong Attempted Homicide na may piyansa na Php36,000 para sa pansamantalang kalayaan.
Mas pinaigting ng Pambansang Pulisya ang paghuli sa mga taong may pananagutan sa batas upang mapanatili ang kaayusan at kapayapaan sa ating bansa tungo sa minimithi natin na Bagong Pilipinas.
Panulat ni Patrolwoman Ma. Elena B Singian
