Nilahukan at binigyang seguridad ng mga tauhan ng Bacuag Municipal Police Station ang isinagawang “Serbisyo sa Barangay 2024” na ginanap sa Covered Court ng Barangay Cabugao, Bacuag, Surigao del Norte bandang 8:30 ng umaga, nito lamang ika-16 ng Setyembre, 2024.
Pinangunahan ng mga tauhan ng Bacuag MPS ang nasabing aktibidad sa ilalim ng pamumuno ni Police Captain Franklin P Parejo, Acting Chief of Police katuwang ang Local Government Unit, Barangay officials, at iba pang lokal na ahensya ng pamahalaan.
Kabilang sa mga isinagawa ay ang pagbibigay ng libreng check-up, pamamahagi ng libreng gamot, pagbibigay ng binhi, Orientation at demonstration of Vegetable Production, Vaccination, pagsagawa ng dayalogo at pagbibigay ng mga flyers kaugnay sa mga tips sa pag-iwas sa krimen.
Nakiisa sa nasabing aktibidad ang mapagbigay na mag-asawa ng bayan na sina Hon. Felicisimo C. Cebedo, Municipal Mayor at Honorable Vice-Mayor Sheila Mae O. Cebedo kasama ang miyembro ng Sangguniang Bayan, LGU Bacuag Heads of Office, Municipal Agriculture Office, Municipal Health Office, MSWD, MDRRMO, LCR, Municipal Engineering Office, at Barangay Cabugao Officials.
Layunin ng aktibidad na mapalapit ang mga libreng serbisyo ng pamahalaan sa mga mamamayan, lalo na sa mga lugar na mahirap maabot upang mapabuti ang access sa mga pangunahing pangangailangan ng mamamayan.
Patuloy ang AgNor PNP sa pakikilahok ng ganitong aktibidad upang magbigay ng seguridad, libreng serbisyo at presensya sa publiko na maaaring magpalakas ng ugnayan sa pagitan ng mga ahensya ng gobyerno at komunidad tungo sa isang maayos at Ligtas na Bagong Pilipinas.
Panulat ni Patrolwoman Karen Mallillin
