Arestado sa buy-bust operation ng Southern Police District ang dalawang dayuhan na tinaguriang High Value Individual (HVI) at nakumpiska ang malaking halaga ng shabu sa Pasay City nito lamang Martes, Setyembre 17, 2024.
Kinilala ni Police Brigadier General Leon Victor Z Rosete, District Director ng SPD, ang mga suspek na sina alyas “Sing”, 40 anyos na Malaysian, at alyas “Chen”, 37 anyos na Chinese National.
Pinangunahan ng SPD Drug Enforcement Unit kasama ang PDEA-SDO, DID-SPD, DMFB-SPD, Pasay City Police Sub-Station 10 at Pasay SDEU ang operasyon dakong 4:35 ng madaling araw sa isang parking lot sa MOA Complex, Pasay City na nagresulta sa pagkakasamsam ng humigit-kumulang 100 gramo ng hinihinalang shabu na may tinatayang street value na Php680,000.
Nahaharap si Sing sa paglabag sa Section 5 ng Republic Act 9165 at may naunang rekord ng pag-aresto dahil sa paglabag sa Section 11 sa ilalim ng Article II ng RA 9165 at si Chen naman ay nahaharap sa paglabag sa Section 26 in relation to Section 5 sa ilalim ng Article II ng RA 9165.
Hindi palalampasin ng PNP ang mapansamantalang mga dayuhan na sangkot sa mga ilegal na droga bagkos sila ay pananagutin sa batas ng Pilipinas.
Source: SPD PIO
Panulat ni PSSg Remelin M Gargantos
