Boluntaryong nagbalik-loob ang siyam na dating mga miyembro ng Underground Mass Organization (UGMO) ng Liga ng Manggagawang Bukid (LMB) sa pamunuan ng 2nd Provincial Mobile Force Company (PMFC) ng Nueva Ecija Police Provincial Office sa Barangay Casongsong, Guimba, Nueva Ecija nito lamang Martes, ika-10 ng Setyembre 2024.
Ang naturang pagbabalik-loob na pinangunahan ni Police Captain Nickdeo R Pastor, 3rd Platoon Leader, sa ilalim ng pamumuno ni Police Lieutenant Colonel Early C Bitog, Force Commander, kasama ang Guimba MPS, 84th Infantry Battalion 7th Infantry Division ng Philippine Army, Regional Mobile Force Battalion 3 at mga opisyal ng naturang Barangay.
Ipinahayag ng mga miyembro ng LMB ang kanilang desisyon na talikuran ang pagsuporta sa Alyansang Magbubukid sa Gitnang Luzon o (AMGL) at ibigay ang kanilang buong suporta at pagsang-ayon sa mga adhikain ng pamahalaan.
Kaugnay ito sa Enhanced Comprehensive Local Integration Program (E-CLIP), na programa ng Gobyerno na kung saan nakatanggap ang mga ito ng grocery packs handog ng Nueva Ecija PNP.
Ang pagbabalik-loob ng mga ito ay isang mahalagang hakbang tungo sa pagkamit ng kapayapaan sa rehiyon at sinisiguro naman ng kapulisan ng gitnang Luzon na patuloy ang kanilang pagsisikap na hikayatin ang iba pang kasapi ng mga rebeldeng grupo na sumuko at makiisa sa layuning labanan ang insurhensiya at terorismo para sa isang Bagong Pilipinas.
Panunulat ni Pat Marimar J Junio
