Arestado ng Pasay City Police Station Drug Enforcement Unit ang isang 35 anyos na lalaking suspek sa isang buy-bust operation nito lamang Martes, Setyembre 10, 2024.
Kinilala ni Police Brigadier General Leon Victor Z Rosete, District Director ng Southern Police District, ang naarestong suspek na si alyas “Kukoy”.
Ayon kay PBGen Rosete, naganap bandang 8:38 ng gabi sa Barangay 38, Zone 5, Pasay City ang operasyon na humantong sa pagkakakumpiska ng isang medium-sized zip lock transparent plastic sachet na naglalaman ng hinihinalang shabu na humigit-kumulang 53 gramo ang bigat na may tinatayang street value na Php360,400, isang Php1,000 bill at 44 na piraso ng pekeng Php1,000 na ginamit bilang buy-bust money, gayundin ang isang itim na plastic bag at isang pulang motorsiklo.
Nahaharap sa reklamong paglabag sa Republic Act 9165 (Comprehensive Dangerous Drugs Act of 2002) ang nadakip na suspek.
Patuloy lamang sa pagpapalakas ng kampanya kontra ilegal na droga ang SPD upang tugunan ang tungkuling gawing mas ligtas at tahimik ang ating bansa.
Source: SPD PIO
Panulat ni PSSg Remelin M Gargantos
