Arestado ang Rank 8 Most Wanted Person sa City Level na may kasong paglabag sa R.A.7610 sa isinagawang manhunt operation ng Calamba PNP sa Barangay Real, Calamba City, Laguna nito lamang ika-8 ng Setyembre 2024.
Kinilala ni Police Colonel Gauvin Mel Y Unos, Provincial Director ng Laguna Police Provincial Office, ang suspek na si alyas “King”, residente ng Calamba City, Laguna.
Ikinasa ang manhunt operation sa bisa ng Warrant of Arrest para sa pagkakaaresto ng suspek para sa kasong paglabag sa Republic Act 7610 (2 Counts).
Sa mensahe ni PCol Unos, “Sa mas pinaigting na police operation ng Laguna PNP sa tulong ng ating komunidad ay mas naging matagumpay ang nasabing police operation na nagresulta ng pagkakaaresto ng nasabing suspek, mabibigyan din ng hustisya ang mga nagiging biktima ng pang-aabuso.”
Ang PNP ay patuloy pa rin sa kampanya nito laban sa kriminalidad at pagdakip sa mga Most Wanted Person na nagtatago sa batas. Dahil di tumitigil ang PNP para sa mithiin nitong makamtan ang maayos, mapayapa, at maunlad na Bagong Pilipinas.
Source: Laguna PPO
Panulat ni Pat Maria Sarah P Bernales
