tinalaga ang bagong Provincial Director ng Cagayan Police Provincial Office na si Police Colonel Mardito G Anguluan sa seremonya na isinagawa sa Camp Tirso H. Gador, Tuguegarao City, Cagayan nito lamang ika -5 ng Setyembre 2024.
Pinangunahan ni Police Brigadier General Christopher C Birung, Regional Director ng Police Regional Office 2, ang turnover ceremony kung saan nagsilbing Provincial Director ng CPPO si Police Colonel Julio S Gorospe Jr (outgoing PD) sa loob ng halos dalawang taon.
Nagpahayag naman si PCol Anguluan ng kanyang dedikasyon na ipagpatuloy ang mga tagumpay ng dating PD sa pamamagitan ng pagtutok sa kaligtasan at seguridad ng mga residente ng Cagayan.
Ayon naman kay PBGen Birung, bagamat nakamit ng CPPO ang pagkilala bilang isang ISO certified at epektibong unit sa buong Cagayan Valley Region, malaki rin ang responsibilidad para sa bawat Cagayano Cops na panatilihin ang mataas na antas ng seguridad, kapayapaan at kaayusan, at magpatuloy sa malawakang kampanya laban sa krimen.
Source:PRO2
Panulat ni Pat Michelline Ballada
