Nagbigay ng seguridad at presensya ang mga tauhan ng Bacuag Municipal Police Station sa isinagawang LTO Caravan 2024 na ginanap sa Municipal Covered Ground, Poblacion, Bacuag, Surigao del Norte bandang 8:00 ng umaga nito lamang ika-5 ng Septyembre 2024.
Pinangunahan ng mga tauhan ng Bacuag PNP ang nasabing aktibidad sa ilalim ng pamumuno ni Police Captain Franklyn P Parejo, Acting Chief of Police katuwang ang Local Government Unit ng Bacuag sa pamumuno ni Hon. Mayor Felicisimo C Cebedo at Hon. Vice Mayor Sheila Mae O Cebedo at ang Barangay Officials ng Poblacion na pinamumunuan ni Barangay Captain Marc Arthur O Caberte.
Kabilang sa mga serbisyong inialok ay ang Issuance ng Student Drivers Permit, Renewal of deliquent or registered motor vehicles, at ang pagtuturo ng Road Safety.
Layunin ng aktibidad na ito na tiyakin ang kaligtasan ng mga dumadalo at siguraduhing maayos ang pagganap ng mga aktibidad.
Kasama rito ang pagprotekta sa mga kalahok, pag-monitor sa mga pangyayari, at pagtiyak na walang panganib na maaaring makaapekto sa nasabing aktibidad.
Patuloy ang Bacuag PNP sa pagbibigay ng kanilang presensya at seguridad sa anumang aktibidad upang tiyakin na lahat ng dadalo ay nasa maayos at ligtas dahil sa Bagong Pilipinas, ang gusto ng Pulis, ligtas ka!.
Panulat ni Patrolwoman Karen Mallillin
