Agarang pagresponde sa isang aksidente ang inaksyonan ng Aurora 2nd Mobile Force Company na naganap sa kahabaan ng highway ng Brgy. Ditawini, Dinalungan, Aurora nito lamang ika-6 ng Setyembre 2024.
Ayon kay Police Lieutenant Colonel Cielo L Caligtan, Force Commander ng Aurora 2nd PMFC, kasalukuyang nagpapatrolya ang mga kapulisan nang mangyari ang insidente na agad naman tinulungan kasama ang mga tauhan ng Philippine Coast Guard at mga residente na malapit sa lugar.
Nagpasalamat naman ang tsuper at pahinante na lulan ng oil tanker na nahulog sa bangin sa mabilis na aksyon ng kapulisan kasama ang iba pa.
Nagpapakita naman ito na sa anumang pangyayari ay nariyan ang kapulisan na handang sumaklolo sa mga nangangailangan.
