Naaresto ang isang Street Level Individual (SLI) sa ikinasang buy-bust operation na isinagawa ng Pikit Municipal Police Station sa Barangay Dalingoen Pikit, Cotabato nito lamang ika-5 ng Setyembre 2024.
Matagumpay ang nasabing buy-bust operation sa pinagsamang pwersa ng mga tauhan ng Pikit Municipal Police Station, CPPO-PPDEU, RSOG 12, at 3rd CPMFC.
Nagresulta sa pagkakahuli ng suspek na si Alyas “Warren”, 27 taong gulang, may-asawa, magsasaka at residente ng Barangay Inug-ug, Pagalungan, Maguindanao, BARMM.
Nakumpiska sa pag-iingat ng suspek ang isang pirasong maliit na heat-sealed transparent plastic sachet na naglalaman ng hinihinalang shabu na may bigat na 0.30 gramo na may na halagang Php1,500 at isang pirasong Php1,000 bill bilang buy-bust money.
Nahaharap ang suspek sa kasong paglabag sa Seksyon 5 at 11, Artikulo II ng Republic Act 9165 o “Comprehensive Dangerous Drugs Act of 2002”.
Patuloy ang PNP sa pagpapaigting ng kampanya kontra droga sa lalawigan alinsunod sa direktiba ng ating Pangulong Ferdinand “BongBong” Marcos Jr., tungo sa Bagong Pilipinas.
Panulat ni Patrolwoman Brylyn Jean Cabonilas
