Nagsagawa ng Serbisyong Pangkalusugan Eye Fair ang PRO CALABARZON na may temang “Pinaigting na Pag-alaga sa Kalusugan ng Mata para sa Kapulisan ng PRO CALABARZON tungo sa Maayos na Pagtupad ng Tungkulin” na pinangunahan ng Regional Medical and Dental Unit 4A na ginanap sa PRO 4A Covered Court, Camp BGen Vicente P. Lim, Calamba City nito lamang ika-4 ng Septyembre 2024.
Pinasimulan ang naturang aktibidad ni Police Colpnel Christopher M Abecia, Deputy Regional Director for Administration ng PRO 4A, kasama ang National President of the Integrated Philippine Association of Optometrists, Inc., na si Dr. John U Napkip at ito ay dinaluhan ng 90 na pulis mula sa iba’t ibang yunit at opisina ng PRO 4A.
Binibigyang-diin ng kaganapang ito ang pangako ng PRO CALABARZON na unahin ang kapakanan ng mga tauhan nito at ibigay ang epektibong serbisyo para sa kapakanan ng ating mga kapulisan. Sa pamamagitan ng pagtitiyak sa kalusugan ng mata ng ating mga pulis, hindi lamang natin pinoprotektahan ang kanilang kakayahang maglingkod kundi pinahuhusay din natin ang kanilang kapasidad na gampanan ang kanilang mga tungkulin sa komunidad.
Malaki naman ang pasasalamat ng mga tauhan ng PRO4A sa serbisyong handog ng mga stakeholder at sa tulong na hatid nito di lamang sa kapulisan pati na rin sa ating mamamayan.
Source: PRO 4A-PIO
Panulat ni Pat Maria Sarah P Bernales
