Pinangunahan ng Police Regional Office 5 sa pamumuno ni Police Brigadier General Andre P Dizon, Regional Director, ang Send-off Ceremony ng Multi-Agency Forces na nakahandang italaga sa ika-100 na selebrasyon ng Peñafrancia Festival sa Naga City na ginanap sa Camp BGen Simeon A Ola, Legazpi City, noong Setyembre 5, 2024.
Magtatalaga ng 5,138 na kapulisan ng PRO5 kabilang ang Regional Task Group Commander sa ilalim ng pangunguna ni Police Colonel Roque A Bausa, DRDO, PRO5 katuwang ang Armed Forces of the Philippines, Philippine Coast Guard, Bureau of Fire Protection, Land Transportation Office at Force Multipliers.
Nakatakdang i-deploy ang mga ito simula Setyembre 12 hanggang Setyembre 22, 2024 upang tiyakin na maayos, mapayapa at ligtas ang mga dadalo na mga deboto at turista na inaasahang makikiisa sa nasabing selebrasyon. Maglalatag na din ng mga PNP Checkpoint sa ilalim ng Oplan Bicol Shield ang PNP Bicol.
Sa naging mensahe ni PBGen Dizon, binigyang-diin niya ang kahalagahan ng koordinasyon at pagtutulungan ng lahat ng mga kalahok na ahensya upang masiguro ang tagumpay ng aktibdad at pagtiyak ng kaligtasan ng publiko sa pagdiriwang ng ika-100 taon ng Peñafrancia Festival.
Photo Courtesy to PNP Kasurog Bicol
Panulat ni Pat Rodel Grecia
