Nasabat ang tinatayang Php3,400,000 halaga ng shabu sa isang CAFGU sa isinagawang buy bust operation ng mga awtoridad sa Barangay Talub Tamparan, Lanao del Sur noong ika-3 ng Setyembre 2024.
Kinilala ni Police Colonel Robert S Daculan, Provincial Director ng Lanao del Sur Police Provincial Office, ang suspek na si alyas “Anton”, residente ng Barangay Cabasaran Lunbayanague, Lanao del Sur at aktibong myembro ng CAFGU.
Matagumpay na naaresto ang suspek dahil sa pinagsanib pwersa ng mga tauhan ng PDEA BARMM at Lanao del Sur PNP.
Nakuha mula sa naturang operasyon ang isang pakete ng heat-sealed transparent plastic sachet na naglalaman ng hinihinalang shabu na may bigat na 500 gramo at nagkakahalaga ng Php3,400,000; isang unit ng Colt. 45 pistol; isang magazine na may mga bala, buy-bust money.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ikinatuwa naman ni PCol Daculan ang tagumpay ng operasyon dahil sa pagtutulungan ng mga tauhan ng PDEA at PNP. Aniya, mas lalong paiigtingin ang kampanya kontra ilegal na droga at loose firearms para mapanatili ang maayos at maunlad na pamayanan.
Panulat ni Patrilwoman Veronica Laggui
