Ang lehitimong operasyon na paghahain ng Warrant of Arrest kay Pastor Apollo Quiboloy at sa mga kasamahan nito ay nagresulta sa isang serye ng mga operasyon sa loob ng KOJC compound.
Sa kabila ng determinasyon na ganap na ipatupad ang utos ng korte, nag-ulat ang PNP ng mga insidente ng pang-aabuso at pananakot laban sa ilang mga naitalagang tagapagpatupad ng batas.
Kabilang sa aksyon ng ilang miyembro ng KOJC ay ang pagtapon ng mga bato, monoblock chairs, bote ng tubig at pagpaligo ng lupa gamit ang backhoe sa mga tauhan ng Civil Disturbance Management (CDM), na nakaranas din ng epekto ng paggamit ng fire extinguisher.
Habang nagsasagawa naman ng aerial survey, napansin din ng PNP ang mga laser devices na itinuturo sa helicopter ng PNP na maaaring magdulot ng panganib sa mga sakay at mga nakapalibot rito.
Ang patuloy na pagtutol ng mga miyembro ng KOJC sa lehitimong operasyon na ito ay nagdudulot ng tensyon. Mariing hinihiling ng PNP ang kooperasyon upang mapanatili ang katatagan at kaayusan sa pagtupad ng kanilang tungkulin na iharap sa batas si Pastor Quiboloy at mga kasamahan nito na nahaharap sa patong-patong na kaso.
Panulat ni Patrolwoman Shairra Rose A Aquino
