Patuloy na nakaalerto at nakabantay ang mga tauhan ng Capalonga PNP sa hagupit na dala ng Bagyong Enteng at hanging habagat katuwang ang iba’t ibang ahensya ng gobyerno sa lalawigan ng Camarines Norte, bandang 10:24 ng umaga nito lamang ika-2 ng Septyembre, 2024.
Nakiisa ang PNP sa isinagawang Municipal Disaster Risk Meeting sa pangunguna ni Mayor Luz Ricasio at ang pamunuan ng Local Government Unit (LGU) Capalonga katuwang ang iba’t ibang ahensya ng gobyerno bilang paghahanda sa isasagawang rescue operation.
Sa isinagawang pagpupulong, tinalakay at binabantayan ang posibleng pagtaas ng tubig sa tulay na maaaring makaapekto sa mga residente ng nasabing lalawigan at ang paglunsad ng preventive evacuation sa mga lugar na nasa mataas na panganib partikular sa mga low-lying areas.
Bilang pangunahing hakbang, nagsagawa ng pagroronda at inspeksyon sa mga barangay na labis na naapektuhan ng baha at sinuspendi rin ang klase at trabaho sa pribado at pampubliko bilang paghahanda sa sakuna na maaaring maidulot ng Bagyong Enteng.
Layunin ng nasabing pagpupulong na tiyakin ang kaligtasan ng bawat mamamayan at ang kahandaan ng mga ahensya sa agarang pagtugon sa anumang sakuna na maaaring idulot ng nasabing bagyo.
Patuloy ang Pambansang Pulisya ng Pilipinas sa pagpapaalala, pagbibigay ng tulong at impormasyon hinggil sa bagyo sa lahat ng mga kababayan upang mapanatili ang kaligtasan ng bawat isa dahil ang Gusto ng Pulis, Ligtas ka!
Panulat ni Patrolwoman Karen Mallillin
