Nakahanda at nagsagawa ng Accounting ng Search and Rescue Retrieval Operation at Reactionary Standby Support Force (RSSF) ang Regional Mobile Force Battalion (RMFB) ng National Capital Region Police Office bilang paghahanda sa hagupit ng Bagyong Enteng sa Metro Manila nito lamang Lunes, Setyembre 2, 2024.
Ito ay pinamunuan ni Police Colonel Celso M Rodriguez, Force Commander ng RMFB, kasama ang buong puwersa ng nasabing yunit upang maging alerto sa posibleng banta ng bagyo kaya inaaktibo ng RMFB ang Search and Rescue Retrieval Operation at Reactionary Standby Support Force upang matiyak na ang lahat ng tauhan ay handa para sa mabilis na pagpapakilos sa panahon ng bagyo.
Ang mga tauhan ng RMFB ay nananatiling nakahanda para sa agarang deployment upang magsagawa ng preemptive measure na naglalayong pangalagaan ang mga buhay at ari-arian ng mga komunidad sa loob ng rehiyon, partikular sa mga lugar na natukoy na high-risk dahil sa bagyo.
Hinihimok din ng RMFB ang publiko na manatiling may alam sa mga pinakabagong update sa panahon at sundin ang payo ng mga lokal na awtoridad.
Hinihikayat din ng pulisya ang publiko na makipag-ugnayan sa kapulisan para sa agarang tulong.
Source: RMFB NCRPO
Panulat ni PSSg Remelin M Gargantos
