Inilabas ng pulisya ang wanted poster ni Pastor Apollo Quiboloy at mga kasamahan nito na nahaharap sa mga patong-patong na kaso nito lamang Agosto 31, 2024.
Idinikit ang naturang wanted poster sa labas ng KOJC Compound bilang bahagi ng PNP sa pagsusumikap na hanapin si Pastor Quiboloy at mga kasamahan nito.
Ito din ay pagtalima na nasusunod ang batas sapagkat lahat ng mga wanted persons ay nagkakaroon ng wanted posters na nilalabas ng awtoridad upang mas mapabilis ang paghahanap sa tulong ng mamamayan.
Patuloy ang PNP sa pagpapatupad ng batas at nananawagan sa publiko ng suporta at kooperasyon upang harapin ng grupo ni Pastor Quiboloy ang kanilang kaso at sumunod sa proseso ng ating Saligang Batas.
