Sa patuloy na pagtugon sa mga operasyon na may mataas na tensyon, ipinakita ng Philippine National Police (PNP) ang kanilang dedikasyon sa propesyonalismo, disiplina, at karapatang pantao sa pagsisilbi ng Warrant of Arrest laban kay Pastor Apollo Quiboloy, pinuno ng Kingdom of Jesus Christ (KOJC).
Sa kabila ng posibleng magulong sitwasyon, ipinapatupad ng PNP ang estratehiya ng “maximum tolerance” upang matiyak ang kapayapaan at kaligtasan ng lahat.
Ang paggamit ng maximum tolerance ay bahagi ng patuloy na pagsusumikap ng PNP na magbigay ng serbisyong may malasakit at respeto sa karapatang pantao.
Sa kabila ng mga hamon, nananatiling matatag ang PNP sa kanilang mandato na isakatuparan ang mga batas nang may maayos na proseso. Sa pamamagitan ng maingat na pagpaplano at pagtugon sa mga sitwasyon, tinitiyak ng PNP na ang bawat operasyon ay maisasagawa nang naaayon sa batas at etika.
“Ang aming pangunahing layunin ay siguruhin ang kaligtasan ng bawat isa, kabilang ang aming mga pulis at mga miyembro ng komunidad, habang isinasagawa ang batas. Hindi kami titigil sa pagpapanatili ng di-marahas na paglapit sa lahat ng pagkakataon,” pahayag ni Police Brigadier General Jose Hidalgo Jr, Regional Director ng Police Regional Office 3.
Panulat ni Patrolwoman Nikki Lyra P Barbero
