Binigyang-linaw sa pamamagitan ng naging pahayag ni Police Major Catherine Dela Rey, Chief, Regional Police Information Office 11 na walang katotohanan ang ipinapalabas ng mga miyembro ng KOJC na bobombahin ng PNP ang kanilang compound nito lamang Agosto 27, 2024.
Dagdag pa, wala ring katotohanan na tinanggalan ng pulisya ang tubig at kuryente ng naturang compound.
Pinaalalahanan rin ni PMaj Dela Rey ang publiko na tiyakin ang mga impormasyon na nasasagap sa social media bago ito paniwalaan gayundin ay makinig na lamang sa mga impormasyon mula sa mga lehitimong media at awtoridad.
Kaugnay nito, hinihimok rin ng buong PNP na iwasan ang pagpapakalat ng fake news upang maiwasan ang anumang hindi inaasahang abala at patuloy na suportahan ang pagpapatupad ng batas at pagsunod sa legal na proseso.
Panulat ni Pat Shairra Rose A Aquino
